Акне вулгарис е најчестото кожно заболување кај адолесцентната популација. Се карактеризира со отворени или затворени невоспалени комедони или воспалени папули, пустули и нодули. Најчесто засегнати се кожните регии богати со лојни жлезди - лицето, грбот и горниот дел на градите.

 

 

Како настануваат акните:

Основен фактор за настанување е генетската предиспозиција, како и хормоналниот дисбаланс ( синдромот на полицистични јајници, хиперандрогенизам) и др.

 

  Акните се создаваат како резултат на взаемното дејство на 4 процеси:

1, Епидермална хиперпролиферација со последователно затнување на изводните канали на лојните жлезди.

2. Зголемено лачење на секрет од лојните жлезди поради промени во хормоналниот статус.

3. Присуство и активно размножување на бактериите Propionibacterium acnes.

4. Воспаление

 

Навременото лекување на акни е есенцијално за превенција на доживотен козметички проблем и создавање на лузни.